Повеќе од 450 деца денеска го проследија симболичното пристигнување на Дедо Мраз со транспортен хеликоптер на АРМ на воениот дел од аеродромот „Александар Велики“. По пристигнувањето Дедо Мраз на дечињата им подари новогодишни пакетчиња.
Припадниците на Воздухопловната бригада (ВБР) на АРМ, традиционално организираат церемонија за подарување новогодишни пакетчиња на децата на загинатите и починати припадници на ВБР и на деца на припадници на Воздухопловната бригада и останатите команди и единици на АРМ и Министерството за одбрана.
Оваа манифестација традиционално се одржува во пресрет на новогодишните и божикните празници.