На подрачјето општините Дебар и Центар Жуапа, кои се под надлежност на дебарското одделение за внатрешни работи, спроведена е акциска контрола на брзината со која се движат возилата во надвор од населено место.
Според Стефан Димоски, портпарол на Секторот за внатрешни работи-Охрид, возачите од ова подрачје сакале да возат побрзо од дозволеното вон населено место.
– Вчера и денеска на подрачјето на ОВР-Дебар извршени се засилени акциски сообраќајни контроли. Притоа, полициските службеници регистрираа и санкционираа 13 возачи на моторни возила кои, вон населено место управувале со поголема брзина од дозволената. Исто така, полициските службеници во Дебар санкционираа едно лице, поради бесправно управување на моторно возило, рече Димоски.
Тој упатува апел до сите учесници во сообраќајот да ги почитуваат сообраќајните правила и прописи и заеднички да придонесеме за побезбеден сообраќај на патиштата.
