Западниот Балкан и Европската унија – Состојбите со демократијата во земјите-кандидати за членство во ЕУ е тема на панел дискусијата, што ќе се одржи денеска во Скопје, во организација на Институт за демократија „Социетас цивилис“.
На панелот ќе се говори за напредокот во демократските процеси во земјите-кандидатки за членство во Унијата.
На темата ќе говорат Зоран Нечев, истражувач и координатор на Центарот за евроинтеграција од Институтот, Никола Буразер, програмски директор во Центар за современи политики и коавтор на извештајот „Напредок во демократијата“ и Игор Стефановски, исто така коавтор на извештајот.