Дебата за поттикнување на академската соработка меѓу Северна Македонија и Грција

Од:

Меморандум за соработка ќе биде потпишан денеска во просториите на Економскиот институт меѓу Институтот, Факултетот за економски и регионални студии при Универзитетот Македонија од Солун и Економскиот Институт при Универзитетот „Св. Кирил и Методиј“ од Скопје.

По потпишувањето на меморандумот следува панел дискусија на тема: „Поттикнување на академската соработка на регионално ниво помеѓу Република Северна Македонија и Грција: можности и предизвици“.

На панел дискусијата свое обраќање ќе имаат Силвана Мојсовска, професор по меѓународна економија на Економскиот институт, д-р Спирос Боикос, доцент по макроекономија на Факултет за економски и регионални студии, Универзитет Македонија, Солун, д-р Катерина Колозова, професор по филозофија при Институт за општествени и хуманистички науки и д-р Фотини Цимбириду, професор по антропологија од солунскиот Факултет.

На 1 февруари 2019 година, списанието Nature објави напис во кој се анализирани перспективите за научната соработка помеѓу државите Северна Македонија и Грција по ратификацијата на Преспанскиот договор во парламентите на двете земји, наведува Институтот за општествени и хуманистички науки.

Nature ја оценува моменталната соработка меѓу двете земји на ниво блиску до нула или според зборовите на авторот: „Иако договорот се соочува со жестоко противење на националистите во двете земји, тој ги прекинува политичките несогласувања (stand-off) и отвора можности за соработка, вклучително и во науката која е една од областите конкретно споменатa во договорот “.

-Со потпишувањето на овој меморандум се надеваме дека ќе отпочне еден позитивен тренд во соработката помеѓу академските институции од двете земји. Воедно ова ќе даде потик сѐ повеќе студенти од двете земји сѐ почесто да ја користат европската мрежа за мобилност Еразмус плус и се надеваме дека во иднина овие размени ќе бидат честа појава меѓу нашите две земји, се додава во соопштението на Институтот.

Би можело да ве интересира

Потпишана Декларација за млади, образование и иднината од страна на Универзитетските собранија и политичките партии

Ана Ололовска

Независниот академски синдикат бара да се повтори изборот на ректор на УКИМ

А1он

МОН подготви концепт за образование од далечина, граѓаните повикани да дадат предлози

А1он

Листа на акредитирани здруженија на наставници кои организираат натпревари за основци

Ана Ололовска

Продолжува реконструкцијата на училиштето „Браќа Рамиз и Хамид“, најавени и други проекти во Шуто Оризари

Ана Ололовска

Штипскиот универзитет се подготвува за уписите на студенти во прва година

Ана Ололовска