Дебата на тема „Функционирањето на безбедносниот систем на Република Македонија во кризна и сложена безбедносна состојба-Менаџирање и справување со кризи“ ќе се одржи денеска во организација на Факултетот за безбедност-Скопје.
Целта е да се утврдат евентуалните критични области во безбедносниот систем на Република Македонија во кои се потребни елементи за позитивна промена, меѓу другото и во делот на кризниот менаџмент и заштита и спасување.
На научниот собир, според најавата од факултетот, се очекува да се актуелизира расправата за генералното функционирање на системот за рано предупредување и справување со ризиците од кризи и катастрофи како составен дел на безбедносниот систем на Република Македонија.
На отворањето на дебата најавено е обраќање на министерот за внатрешни работи Оливер Спасовски. Ќе учествуваат и претставници од академската заедница и од безбедносните институции во земјата.