Кандидатот за градоначалник на општина Тетово од ДПА Биљал Даути заедно со носителот на листата за советници Аднан Биљали и членовите на изборниот штаб на ДПА за општина Тетово денеска одржа прес-конференција кај просторот зад факултетот за уметности во тетовска Мала Речица.
-Дојдовеме денеска на ова место за да укажеме на уште едно неисполнето ветување од страна на досегашната градоначалничка Теута Арифи која ветуваше дека тука ќе се изгради ново основно училиште за потребите на населението и пред се учениците од оваа тетовска приградска населба. Но наместо училиште сега тука и натаму има кал, камења и смет, рече Даути.
Во рамките на денешната предизборна кампања од ДПА информираа дека вечерва ќе одржат митинг во гостиварско Чегране.