Кандидатот за градоначалник на општина Тетово од ДПА, Бардиљ Даути вечерва истакна дека неговата победа на претстојните локални избори ќе биде победа за сите жители на градот.
– Заедно можеме да победиме и да ги разрешиме постојните проблеми. Нашата програма има 15 приоритетни точки меѓу кои се транспарентност и отчетност, засилување на локалниот економски развој, развој на градот со посебен осврт на главните градски булевари, ефикасен јавен транспорт, развој на туризмот и рурален развој, рече Даути на митингот во дворот од ОУ „Братство Мигени“.
Претседателот на ДПА Мендух Тачи посочи во изминатите години, како што рече, додека ДУИ беше во централната и локалната власт во Тетово, градот беше многу уназаден и без културни активности.
– Ние со нашите кандидати и тука и во останатите општини во Македонија покажуваме дека сме политичка академија за кадри на Албанците во државата и оти можеме да ги решавме проблемите на граѓаните, рече Тачи.