Вчера (22.11.2012 г.) во Штип беше одржана јавна дискусија на тема „Дали минималната плата овозможува пристоен живот“.
Јавната дискусија беше организирана од страна на Прогрес – Институтот за социјална демократија, а на неа присуствуваа членовите на раководството на ОО СДСМ Штип, на чело со претседателот на ОО СДСМ Штип и шефот на ОИШ СДСМ Штип, претставници на ОО СДСМ Карбинци, како и претставници на штипските ограноци на партиите од Сојузот за иднината: ВМРО НП, Достоинство, Обединети за Македонија, ЛДП, ЛП и НСДП.
На јавната дискусија се зборуваше за како функционира во пракса законот за минимална плата, за јавниот дискурс и сиромаштијата, кои мерки се потребни за заштита на работничките права и овозможување на социјална сигурност.
Кандидатот за градоначалник на општина Штип од редовите на СДСМ, Здравко Коцев, во своето обраќање понуди конкретни решенија кои се однесуваат на тоа како да се остварат подобри работни односи и пристоен живот во општина Штип.
