По повод православниот верски празник Покров на Света Богородица во истоимениот манастирски комплекс на Еленец кај селото Цера денеска се одржува голем Црковно-народен собор.
Организатор на Соборот е Локалната самоуправа и е во функција на развивање на туризамот во руралните подрачја.
Во атарот на село Цера, на месностите Говедар, Побиен Камен,Марина Нива и Еленец се водени најжестоките битки за време на Втората балканска војна. На ова место се наоѓа и Спомен-костурница на загинатите српски војници во која е сместено и Подрачното основно училиште.
Во манастирската црква „Покров на Света Богородица“ утрово свештениците од архиерејското намесништво на Брегалничката епархија на МПЦ отслужија литургија. Соборот продолжува со фолклорна смотра, а завршува со трпеза на љубовта-заеднички ручек на кој за сите учесници на соборот се дели бесплатна манастирска манџа.