Демонстранти од иницијативата „Македонија бојкотира“ денеска излегоа на протест пред Владата на Република Македонија.
Нивните барање се владата да си поднесе оставка и заедно со претседателските избори на пролет да има и предвремени парламентарни избори. Граѓаните извикуваат „Предавници“, „Оставка“, „Циган муртински, ја продаде државата“.
Граѓаните кои излегоа на протест велат дека не се согласуваат со промена на името и дека не е во ред тоа што Владата не ја почитува волјата на граѓаните изразена на референдумот од 30 септември. Тие велат дека со промената на името ќе се изгуби и идентитетот на Република Македонија, што води до кантонизација на државата.
Демонстрантите носат македонски знамиња и плакати на кои пишува „Душмани запаметете: Македонија не ја даваме“.
Демонстрантите изјавија дека немаат намера да ги радикализира протестите, туку сакаат на мирен начин Владата да ги слушне нивните барања и ставови.
Околу владата може да се забележи засилено полициско присуство.
Виктор Јованов