Членовите и функционерите на ВМРО-ДПМНЕ со фотографирање пред МНТ го започнаа славењето на 23 Октомври

Од:

Пред Македонскиот Народен Театар започнаа да пристигнуваат членовите и функционерите од опозициската ВМРО-ДПМНЕ, кои денеска свечено ќе го одбележат 23 Октомври, Денот на македонската револуционерна борба.

Тие се фотографираат пред да влезат на свеченоста, на која ќе се обрати претседателот на ВМРО-ДПМНЕ, Христијан Мицкоски.

Доцна синоќа Централниот комитет одлучи да ги исклучи од партијата ексдиректорот на УБК Сашо Мијалков и поранешниот министер за здравство Никола Тодоров оти ги убедувале пратениците да гласаат за промена на Уставот, предвидена со Преспанскиот договор.

Од функцијата потпретседател на партијата беше разрешен и актуелниот градоначалник на Кавадарци, Митко Јанчев, како и членот на извршниот комитет Костадин Богданов.

Потпретседателот на ВМРО – ДПМНЕ, Александар Николовски по исклучувањето и разрешувањето рече дека партијата завршува со минатото и продолжува напред кон иднината силно и реформирано.

Маја Илиевска-Пачемска

Би можело да ве интересира

Здравковски: Охрабрувачки е фокусот на Владата кон младите

ВМРО-ДПМНЕ: СДС и Филипче го враќаат Жерновски во раководните структури

ВМРО-ДПМНЕ: Во отсуство на реална политика и аргументи, СДС продолжува со растурање на пердуви во јавноста

НСДП: Една година владеење на ВМРО-ДПМНЕ, една година лажни ветувања и изневерени очекувања

ВМРО-ДПМНЕ: Кога ќе прозбори Филипче, се шири мирисот на стариот режим на Заев

Демири: Над 70% од граѓаните живеат со под 500 евра плата месечно, тоа е понижување