Четвртиот Светиклиментов научен собир на тема „Образование и заедничарење“, во организација на Православниот богословски факултет „Свети Климент Охридски“ во Скопје, денеска ќе се одржи онлајн на платформата Зум (Zoom).
Научниот собир ќе го отвори поглаварот на МПЦ – ОА, негово блаженство архиепископот Охридски и Македонски г.г. Стефан, а ќе биде презентиран Зборникот трудови од 3. Светиклиментов научен собир. Еднодневниот форум ќе се одвива во три сесии.
Настанот ќе може да се следи во живо на Јутјуб каналот на Факултетот, а кон видео-преносот ќе може да се пристапи и од веб-страницата на Факултетот и од Фејсбук страницата.