Четири лица се повредени и причинета е материјална штета од околу 100 илјади денари во денешната сообраќајна несреќа при превртување на патничко возило „Поло“ со тетовски регистерски таблици управувано од Џ.С(55) од Гајре, информираше портпаролот на СВР Тетово Марјан Јосифовски.
Сообраќајката се случила денеска околу 6 часот и 45 минути на регионалниот пат Тетово-Волковија пред влезот на село Радиовце при што автомобилот управуван од Џ.С. престигнувајќи друго возило загубил контрола, удрил во дел од бетонската ограда на мостот и два пати се превртел, а потоа повторно застанал на тркала.
– Од превртувањето еден од сопатниците Р.Б (48) од Орашје задобил сериозни повреди и по укажаната лекарска помош во тетовскиот клчинички центар итно е пренесен на скопските клиники.Возачот и другите двајца сопатници, Н.Е (53) од Требош и Ш.Б (45) од Орашје задржани се во тетовскиот Клинички центар, изјави Јосифовски.
Полицијата извршила увид и првично причина за несреќата е непрописно престигнување и неприлагодена брзина според условите на патот.
