Поранешниот градоначалник на Струмица, Киро Јанев е осуден на четири години затвор, објави Канал 5.
Одлуката на Основниот суд Скопје 1 доаѓа по четири години години од апсењето на Јанев, кој со уште седуммина лица полицијата го сомничеше дека во период од десетина години испрале над 1 милион евра, препродавајќи го имотот на фабриката „Струмичанка“ од 72.000 квадратни метри.
Двете судијки од Струмица и Гевгелија се ослободени. За нив. според Судот, не се докажало дека ја злоупотребиле службената положба. Останатите петмина обвинети поранешни директори и управители на струмички фирми и вработени во Министерството за транспорт и врски, се осудени на 3 и по 2 години затворска казна.