ВМРО-ДПМНЕ на сите граѓани им го честита Денот на Републиката – државниот празник Илинден, наведувајќи дека е најсветиот ден за македонската историја, кој во колективната македонска меморија е запомнат како ден кога е запалена и е разгорена искрата на слободата и независноста.
– Денес чествуваме 111 години од Илинденското востание и херојството на епопејата Илинденци, кои го посеаја семето на нескршливоста. Денес чествуваме јубилејни 70 години од АСНОМ, темелот на нашата државност врз кој денес ја градиме Република Македонија како современа држава, рамноправна во меѓународните односи. Илинден е денот кога си припомнуваме на хероите кои ги дадоа своите животи за слободата и го преземаме нивниот завет. Овој ден е ден на слава и гордост, но и ден за продолжување на борбата, овојпат тоа е борбата за напредок на татковината во секој поглед, стои во честитката за Илинден од ВМРО-ДПМНЕ.