Лидерот на Демократската унија за интеграција Али Ахмети упати честитка до аериканскиот народ и властите по повод 238-та годишнина од усвојувањето на Декларацијата за независност на Соединетите Американски Држави.
– Уште од 4 јули 1776 година, американскиот народ е лидер во одбраната на демократијата и мирот. Ние, сите народи од Западен Балкан, но особено Албанците, сме благодарни за придонесот на САД во промовирањето на демократијата, градењето на одржлив мир и стабилност, стои во честитката.
Ахмети, меѓу другото, бара американска помош за евроатлантската интеграција на Македонија.
– Во овој случај, би сакал да ја повторам силната посветеност на мојот народ за зачленување во евроатлантските структури, НАТО и ЕУ и да ве повикам да ни помогнете на ова патување толку важно не само за Македонија, туку и целиот Западен Балкан, се вели во честитката од Ахмети.