Заменик министерот за здравство, Гоце Чакаровски на денешната работилница посветена на сексуално и репродуктивно здравје, во организација на УНФПА, рече дека станува збор за значајно јавно-здравствено прашање, кое треба да биде земено предвид при активирање на Националниот план за справување со кризни или вонредни состојби.
– Министерството за здравство ја препозна значајноста на оваа област и со цел обезбедување навремен и соодветен одговор во услови на криза и хуманитарни катастрофи, во делот за подготовка на здравствениот систем за одговор во криза и кризна состојба, внесовме посебно поглавје, кое се однесува токму на оваа област. Истото е дел од Националниот план за подготовка на здравството за одговор при кризни состојби, рече Чакаровски.
Во иднина, како што додаде, продолжуваме посветено да работиме на оваа област и на унапредување на сексуалното и репродуктивното здравје, со цел достигнување здравствен стандард и пристапни и достапни услуги за сите лица, со посебен фокус на маргинализираните и вулнерабилните групи.