Славчо Чадиев, кандидат за градоначланик на Велес од ВМРО-ДПМНЕ, денеска ги презентира плановите за развој на локалниот туризам.
Чадиев информира дека во рамките на неговата изборна програма е предвиден проект за создавање туристички локалитет Езеро Младост. Посочи дека Езерото Младост, со својата локација, нуди можност за развој на туризмот: транзитен, спортски, забавен, риболовен, ловен, вински, рекреативен, со развој на хотелиерството и кампинг во чиста и здрава животна средина.
– Во согласност со донесените урбанистички планови, во наредниот период ќе бидат понудени парцели за изградба на аквапарк, хотели, автокамп, викенд-куќи, концесионирање плажи и спортски терени за мали спортови и тенис и други туристички објекти. Предвидена е изградба и на велосипедска патека околку Езерото Младост, рече Чадиев.
Годинава се очекува да се доврши поврзувањето на изградените објекти долж езерото Младост со градскиот водоводен систем, по што ќе се премине и на изградба на канализациона мрежа. За реализација на овој проект, средствата ќе бидат обезбедени од буџетот на општина Велес, инфорира Славќо Чадиев.