Центар одговори на иницијативата да се укине мораториумот за градење

Од:

Градоначалникот на Општина Центар Саша Богдановиќ, достави одговор на Иницијативата за оцена на уставноста и законитоста на Одлуката за начинот на применување на деталните урбанистички планови од 27.3.2019 година.

„Врз основа на тврдења наведени во Иницијативата, ја информираме јавноста дека Деталните урбанистички планови кои што се опфатени во Одлуката за начиниот на применување на деталните урбанистички планови од 27.3.2019 година, не се усогласени по ниту еден основ со Генералниот урбанистички план на Град Скопје од 2012 до 2022 година. ДУП-овите кои се опфатени со одлуката од страна на Општина Центар, се констатирани како штетни и како локална самоуправа сметаме дека директно и индиректно ќе влијаат врз загрозување на животот и правата на граѓаните кои произлегуваат од планската документација, доколку останат во сила,“ се вели во одговорот од градоначалникот.

„Донесувањето и спроведувањето на деталните урбанистички планови претставува дел од двостепеноста на системот на урбанистичкото планирање. Ако генералните урбанистичките планови служат за да ја одредат намената на земјиштето и функционалната организација на просторот, примарните инфраструктурални мрежи и основните услови за изградба, деталните урбанистрички планови служат за разработка и спроведување на ГУП-от, согласно Законот за просторно и урбанистичко планирање.

Според тоа, ниту едно право, вклучувајќи го и правото на сопственост, не смее да биде исклучиво над друго право. Генералниот урбанистички план на Град Скопје од 2012 до 2022 и деталните урбанистички планови, не смеат и не ги третираат поединечните права како исклучиви над преостанатите поединечни права. Од тие причини, Општина Центар смета дека иницијативата од страна на подносителите е неоснована,“ вели Богдановиќ.

Би можело да ве интересира

Општина Центар го обнови дрворедот на улицата „Орце Николов“

Ана Ололовска

Одбележани 72 години од завршувањето на Граѓанската војна во Грција

Ана Ололовска

Богдановиќ го потпиша договорот за изградба на првата детска градинка во населбата Пролет

Ана Ололовска

Советот на Општина Центар ја повлече од дневен ред точката за таблет компјутерите на советниците

А1он

Завршува вториот дел од реконструкцијата на улицата „Народен Фронт“

Ана Ололовска

Општина Центар: Ниту еден друг советник освен Белчева Андреевска нема искористено никакви средства за патувања, ако е толку загрижена нека ги рефундира за компјутери

Ана Ололовска