Царовска: Европа значи пристап до фондови за социјалните услуги

Од:

Европа значи дека институциите им служат на сите граѓани подеднакво и на располагање се фондови за социјалните услуги на локално ниво кои ќе ги поддржат граѓаните, рече министерката за труд и социјална политика Мила Царовска при денешната посета на Прилеп.

Царовска со прилепскиот градоначалник Илија Јованоски го посети Дневниот центар за лица со церебрална парализа кој за 15-ина дена по првпат ќе биде отворен во Прилеп.

Според Царовска, Министерството се грижи и да го реши проблемот со недостиг од капацитети за детски градинки.

– Изминатиот период отворивме детска градинка и ја ставивме во функција во Прилеп, еве за 15-ина дена да се отвори Дневниот центар за лица со церебрална парализа. Со тоа создаваме услуги на локално ниво со што покажуваме дека се грижиме за граѓаните. Проблемот со капацитетите за детски градинки ќе го решаваме и во градот и во населените места поддеднакво, рече Царовска, повикувајќи ги граѓаните на референдумот, на 30 септември, да гласаат „за“.

И ако ме прашате што значи Европа, додаде, тоа значи дека институциите им служат на сите граѓани подеднакво и на располагање се фондови за социјалните услуги на локално ниво кои ќе ги поддржат граѓаните.

Според прилепскиот градоначалник Јованоски, при крај се последните подготовки за отворањето на Дневниот центар за лицата со церебрална парализа во кој ќе помагаат и нивните родители. Се гради со финансиска поддршка на Министерството за труд и социјална политика и на локалната самоуправа.

– Во тек е огласот за ангажирање на лица кои ќе работат во Центарот, а ќе бидат ангажирани и родителите. Сето тоа ќе придонесе за подобрување на условите и на лицата со церебрална парализа и на хендикепираните, рече Јованоски.

За Елена Кочоска од „Полио плус“ Прилеп е пример како да им се помогне на лицата со хендикеп.

– Овој Дневен центар покажува дека се зголемува грижата за лицата со хендикеп, а Прилеп претставува пример за тоа, зашто досега не биле создавани посебни услови за хендикепираните лица, рече Кочоска.

Царовска го посети и Домот за стари и изнемоштени лица „Киро Крстески -Платник“ за да се запознае со функционирањето на оваа институција.

Би можело да ве интересира

Детето кое падна од прозорец е одличен и дисциплиниран ученик, тврди директорката на училиштето во Прилеп

А1он

11-годишник тешко повреден откако падна од трет кат во училиште во Прилеп

Катерина Ѓуровски

Вонреден инспекциски надзор во прилепската болница по смртта на новороденчињата близначиња

Катерина Ѓуровски

Пуштена во употреба делницата Градско – Дреново, дел од експресниот пат Градско – Фариш

Катерина Ѓуровски

Талески: Експресниот пат Градско – Дреново над 92% е реализиран од СДСМ

Владата на Бугарија го одобри нацрт-договорот со Северна Македонија за изградба на заедничкиот железнички тунел „Деве Баир“

А1он