Во соработка со Државниот пазарен инспекторат, Царинската управа на Република С. Македонија во текот на денешниот ден спроведоа две акции против нелегална продажба на цигари, режан тутун и други тутунски производи.
Двете акции паралелно се спроведоа во Скопје и Тетово, при што на територијата на Општина Тетово, службените лица при вршење на претрес се брутално нападнати од страна на поголема толпа луѓе кои и се познати на полицијата и против нив ќе биде покрената соодветна пријава.
Во нивната акција се запленети вкупно 113 килограми режан тутун и 415 кутии цигари.
„Сериозноста на проблемот и обемот на штетите што нелегалната трговија со тутун и тутунски производи го предизвикуваат, бара од нас континуирани напори за да го спречиме нелегалниот промет на акцизни добра“, соопштија за медиумите од Царинската управа.