Бугарско-македонската комора апелира до Заев и Јанев за надминување на политичката криза и економско поврзување

Од:

Бугарско-македонската трговско-индустриска комора упати Декларација до премиерите на Северна Македонија и на Бугарија, Зоран Заев и Стефан Јанев во која се изразува загриженост од „негативното влијание врз деловната клима и трговските односи меѓу двете братски држави“ и се апелира за надминување на политичката криза и економско поврзување.

Како што јави дописникот на МИА од Софија, кој имаше увид во содржината на документот, според Комората, во изминатите 50 месеци од потпишувањето на Договорот за пријателство и соработка на 2 август 2018 година, „не е имплементирана ниту една од предложените мерките во Белата книга и на Тркалезната маса“.

– Бугарските и македонските граѓани и натаму плаќаат најскап роаминг во регионот, поминуваат низ двојна гранична и царинска контрола, не можат да користат даночни олеснувања при напуштање на соседна земја и нема ниту еден прекуграничен инфраструктурен проект, се наведува во Декларацијата.

Според Комората, меѓу Бугарија и Северна Македонија не постои ниту транспортно, дигитално или инфраструктурно поврзување, а наместо тоа има конфронтација, административни бариери, непријателство и недостиг на перспективи за разбирање и соработка.

Во Декларацијата се повикуваат владите на двете земји да ја надминат политичката криза и да се заложат за економско поврзување со цел „формирање на заеднички европски дом на Балканот, за бизнис без граници, за културно поврзување и разбирање“.

Би можело да ве интересира

Историските прашања ќе бидат во втор план: Петков ги почитува сите јазици од Уставот, Ковачевски го потсети дека Бугарија го признала македонскиот

Кристијан Ландов

Петков до Ковачевски: Добрососедството може да донесе придобивки не само за двете земји, туку и за целиот регион

Ана Ололовска

Кирил Петков: Уште во текот на овој месец ќе одам во Скопје

А1он

МНР: Бугарската владина делегација во вторник ќе го посети Скопје

А1он

Бучковски разрешен од должност специјален владин претставник за Бугарија

А1он

Антониј Тодоров: Заострување на бугарскиот став кон Северна Македонија, не е во национален интерес на Софија

А1он