Владиниот авион „Фалкон“ со екипа од Воената академија во Бугарија го превезе Христијан Пендиков, соопшти прес-службата на бугарскиот Министерски совет.
По наредба на премиерот Галаб Донев, беше организиран транспорт на Пендиков во Бугарија, кој синоќа беше нападнат и претепан во градот Охрид.
„Владиниот авион „Фалкон“ со екипа од Воено-медицинската академија – двајца лекари и медицинска сестра за реанимација, го превезе Пендиков од Охрид во Софија. Повредениот Кристијан ќе биде примен на Медицинската академија каде ќе ја добие потребната терапија“, известуваат бугарските медиуми.
Неговата состојба е сериозна и му претстои операција, информира тој самиот за БНТ.
Дваесет и едногодишниот Бугарин од Охрид, Христијан Пендиков кој е секретар на бугарскиот клуб „Цар Борис Трети“ во Охрид, синоќа, околу 21 часот, бил претепан од три лица пред угостителски објект во центарот на градот.
Тројцата охриѓани осмничени дека го претепале се приведени, извести Министерството за внатрешни работи, од каде велат дека ќе бидат поднесени кривични пријави.