Наводите кои произлегоа од прислушуваните разговори се обемни и многу сериозни. За нив е потребна целосна, независна и транспарентна истрага, порача денеска британската амбасада во Скопје, по одлуката на судот да ги изземе прислушуваните разговори како докази.
„Амбасадорот Гарет не би можел да коментира детали од судската одлука, но истрага мора да има, а за неа ќе биде надлежен специјалниот обвинител договорен од сите страни потписнички на договорот од Пржино.
Тој треба да биде назначен до 15 септември и рокот мора да се почитува за да може овој битен процес да продолжи“, се вели во ставот на британската амбасада во Скопје.