Не станува збор за генерален недостиг на лекови во аптеките, туку се работи за недостиг во одреден број аптеки поради сезонски ефект. Тоа е објаснувањето на експертите, рече портпаролот на Владата Миле Бошњаковски одговарајќи на новинарско прашање на денешната прес-конференција на Владата во врска со тврдењата за недостиг на лекови во аптеките по 10-ти во месецот.
Во одреден период од годината, потенцира Бошњакоски, побарувачката на одредени лекови е поголема од очекуваното, како што е оваа година.
– Тоа е тој ефект што се случува, рече владиниот портпарол, а за подетални информации упати на Фондот за здравствено осигурување ФЗОМ.