Во вториот круг од претседателските избори во општините Гевгелија, Валандово, Богданци и Дојран имаше пријавено за гласање 104 лица повеќе во однос на првиот круг, или точно 303 лица, кои денеска го искористија правото на глас.
Најмногу пријавени, или 151 гласач, имаше во Општина Гевгелија. Според ОИК Гевгелија гласачкиот процес поминал во мирна и демократска атмосфера, без пријавени неправилности или било какви проблеми.
Во демократски амбиент и атмосфера, поминало гласањето и во другите општини. Во Валандово од 67 пријавени правото на глас го оствариле 66 болни и стари лица, во Богданци од 63 запишани, гласале 57 лица, а во Општина Дојран своето право на глас го оствариле сите 22 пријавени.
Гласањето сѐ уште се одвива во Меѓуопштинскиот затвор во Гевгелија каде гласачкото место ќе биде затворено во 19 часот.
