Бојан Јовановски познат како Боки 13 останува во притвор, одлучи Апелациониот суд. Судиите ја отфрлија жалбата на адвокатот Сашо Дуковски со која бараше на Боки 13 да му биде одредена алтернативна мерка за обезбедување на присуство.
Судот смета дека сеуште постои можност Боки 13 да избега и да биде недостапен за органите на прогон, како и да го повтори делото кое му се става на товар во случајот „Рекет“.
Боки 13 бараше да биде пуштен од притвор поради неговата здравствена состојба и неможноста истата да се третира во затворот. Адвокатот Дуковски пак, ги убедуваше судиите дека одлуката за продолжува на притворот која ја долнел Кривичниот суд не е издржана со аргументи.