Богоев на средба со пензионерите од Козле

Од:

Продолжуваат инфо сесиите со пензионерите од Општина Карпош, во врска со проектот „Мој Карпош – Моја Картичка“. Денеска, градоначалникот Стефан Богоев се сретна со пензионерите од Козле, пред кои говореше за поволностите кои ги нуди картичката, со која се овозможуваат голем број на попусти и бенефиции низ локалите во Карпош.

– Имаме уникатен проект со кој воспоставивме соработка меѓу повеќе страни: локалната самоуправа, граѓаните и бизнис секторот. Со оваа картичка ќе се зголеми потрошувачката во локалите, во периодите од денот кога можеби имале помал промет, а во меѓувреме граѓаните ќе купуваат по пониски цени, рече Богоев.

На средбата се разговараше и за други актуелни прашања и проекти. Богоев ги информираше присутните за новите садници кои се засадуваат низ Општината, како и за утрешната еко – акција за чистење на Карпош, во која ќе учествува општинската администрација, фирмите, граѓанските организации и сите заинтересирани карпошани.

Пензионерите прашуваа и за проектот за „хумани патроли“, со кој локалната самоуправа ќе овозможи нега и здравствена заштита за изнемоштените лица. Тие ја поздравија иницијативата која пред некој ден ја спроведоа Општина Карпош и Лајонс клубот Карпош, за бесплатна крвна анализа (крвна слика) за најранливите категории на граѓани.

Би можело да ве интересира

(ВИДЕО) Станивуковиќ: Град Скопје и Општина Карпош реконструираат клучни сообраќајници во општината

Ана Ололовска

Богоев на Ифтар вечера во пресрет на Рамазан Бајрам

Ана Ололовска

ЕУ карванот тргна од Карпош

Ана Ололовска

Со емоционално учење до поквалитетно образование

Ана Ололовска

Хуманитарна акција „Подај рака- донирај за својот сосед“

Ана Ололовска

Германски искуства за пренамена на јавните запуштени површини

Ана Ололовска