„На ден 08.05.2015 година во неколку провладини портали излезе информација дека сум бил претепан поради долгови од своја навивачка група. .
Најостро демантирам дека имам своја навивачка група и долгови. Очигледно дека се продолжува со континуираната дискредитација на мојата личност, нанесување на штета на мојот углед и чест поради мојата политичка определба, особено како Директор на ЈП Паркинзи на општина Центар.
Демантирам било какво учество или организација на насилни протести, или пак предизвикување на нереди, како што е објавено во овие медиуми, а ова може многу лесно да се потврди и од полицискиот извештај на надлежната полициска станица од каде е уредно извршен увид“, се вели во демантот на Саша Богдановиќ, Директор на Паркинзи на општина Центар.