На денешната прес конференција, директорот на ЈП Паркинзи на општина Центар, Саша Богдановиќ реагираше на грубите обвинувања и клевети на провладините медиуми кои се добиени по пат на фалсификувани документи и шпекулации.
За сите медиуми кои се вклучени во објавата на неточните информации и фалсификатите, директорот изјави дека ќе поднесе соодветна пријава што се однесува до објавениот документ. Сумата како плата што е наведена е груба манипулација, бидејки платата на директорот е далеку пониска од наведената. Износот на примањата на директорот, како и на сите вработени во јавното претпријатие, е утврдена со Правилник за плати.
„Во рок од 24 часа барам ИЗВИНУВАЊЕ од ОК на ВМРО ДПМНЕ-ЦЕНТАР и од сите медиуми вклучени во оваа објава, во спротивно ќе биде поднесена кривична пријава во согласност со Законот за граѓанска одговорност за навреда и клевета“, изјави Богдановиќ.
Ова е очигледно уште еден нечист обид да се шират невистини, типичен за провладините медиуми во последните неколку години.
