Денеска градоначалникот на Општина Штип, Благој Бочварски заедно со директорот на ЈП „Стипион 2011“, Сашко Протогеров извршија увид во започнатата реконструкција на тротоарот кај улицата Борис Кидирќ.
„Се работи за фреквентна улица кадешто со реконструкција на овој тротоар обезбедуваме побезбедно движење на пешаците. Се работи за санација или целосна реконструкција на тротоарот на оваа улица. Ова е многу важно заради тоа што во разговорите со граѓаните, најавуваа дека она што е најпотребно да се реконструира во градот се тротоарите,улиците и коловозните површини. Се работи за инвестиција од 560.000 денари и изведувач на работите е ЈП „Стипион 2011“,“ изјави Бочварски.
Општина Штип исто така работи и на изградба на тротоар до Кампус 4, кадешто секојдневно студентите поминуваат. Се работи исто така и на игралиште во населба Блок 70, мини плоштад во населба Три Чешми.