Денеска градоначалникот на Општина Штип, Благој Бочварски го чествуваше меѓународниот ден на жената – Осми март, при што учествуваше на полагање на цвеќе пред спомен обележјето на народната хероина Вера Циривири Трена во кругот на детската градинка „Вера Циривири Трена“.
„Денеска се наоѓаме пред спомен обележјето на народната хероина Вера Циривири Трена, за да и оддадеме почит нејзе, но и на сите жени коишто преку женската младина активно учествувале во многу акции организирани од СКОЈ и синдикатите.
Многу жени биле вклучени во НОБ, а со тоа дале огромен придонес за ослободувањето на нашата земја. Самостојноста и сувереноста на Р. Македонија им ја должиме и ним“, изјави градоначалникот Бочварски.
Воедно градоначалникот на Општина Штип, Благој Бочварски го чествуваше Осми март заедно со жените вработени во Општина Штип, во салата во Општината и со жените пензионерки и лицата со посебни потреби во Пензионерски дом во Штип.
