По барање на обвинителството, Бобан Илиќ е однесен во притвор до правосилноста на пресудата и отпочнување на издржување на казната. На барање на обвинителството, судот ја одобри мерката притвор за Бобан Илиќ.
Кумановскиот суд во четвртокот му изрече шестгодишна казна затвор на 30 годишниот Бобан Илиќ, кој со своето возило во јули минатата година го усмрти четиригодишниот Алмир Алиу по расправијата со неговиот татко.
Илиќ беше првично обвинет за убиство со умисла, но по новите вештачења кои беа доставени, кумановскиот суд го преквалификува делото во „Тешки дела против безбедноста на луѓето и имотот во сообраќајот“.
Бобан Илиќ и претходно беше притворен, но излезе од затворот по преквалификација на делото.