Виновникот за смртта на малиот Алмир мора веднаш во затвор, нема одлагање на казната

Од:

Основниот суд Куманово ја уважи жалбата на кумановското обвинителство изјавена против решение на судија за извршување на кривични санкции донесено на 19 февруари 2021 година, со кое на осудениот Б.И. од Куманово му се одобри барањето за одлагање на почетокот за извршување на казната затвор.

Имено, обвинителството незадоволно од донесеното решение, поднесе жалба на 22 јануари 2021 година, со која побара кривичниот совет при Основниот суд Куманово да го преиначи решението во насока осудениот веднаш да ја извршува досудената казна. Казната затвор во траење од 4 години, по поднесено обвинение на кумановското обвинителство и судска постапка, на осудениот му беше изречена од Апелациониот суд, а за сторено кривично дело – Тешко дело против безбедноста на луѓето и имотот во сообраќајот од член 300 став 2 во врска со член 297 став 1 од Кривичниот законик.

Осудениот го стори кривичното дело на 25 јуни 2016, кога со автомобил му нанесе тешки телесни повреди со смртна последица на четиригодишниот Алмир Алиу од Куманово.

Одлучувајќи по поднесената жалба од обвинителството, Основниот суд Куманово донесе Решение со кое го преиначи решението на судијата за извршување на кривични санкции и осудениот го задолжи веднаш по приемот на одлуката да се јави во казнено-поправна установа за да започне со издржување на затворската казна.​

Би можело да ве интересира

Поведена истрага против осомничен дилер од Скопје

Ана Ололовска

Двајца обвинети за тепачката во „Трибека“

Ана Ололовска

Обвинение за едно лице за учество во протестите за „Монструм“

Ана Ололовска

Обвинителството отвори предмет за тепачката во Струмица

Жарко Настоски

Две лица направиле повеќе кривични дела при обид да препродадат поголема количина марихуана

Ана Ололовска

Скопјанец ги претепал родителите оти не добил пари за роденден

Ана Ололовска