Во СВР Битола синоќа во 1:35 часот лекар од Итната медицинска помош пријавил дека на градското игралиште пред сендвичарата „Божино“ е пронајдено и подигнато повредено непознато лице кое е во бессознание.
Полициски службеник излегол на терен и констатирал дека се работи за П.С. (61) од Битола кој е пренесен во Клиничка болница со тешка телесна повреда, внатрешно крварење на мозокот и неколку скршеници на коските на лицето. Се наоѓа во бессознание на Одделението за интензивна нега и е во животна опасност.
Според разговорот со вработена во сендвичарата, П.С. настрадал во тепачка што се случила во 1:25 часот. Непознато лице му удрило тупаница во пределот на носот по што паднал со главата на плочките.
Се преземаат мерки за целосно расчистување на случајот.