25-годишен битолчанец вчера бил уапсен поради тоа што во угостителски објект на Широк Сокак, нападнал помлада сограѓанка, на која ѝ ги одзел чантата и мобилниот телефон, соопшти полицијата.
„На 27.06.2021 полициски службеници од СВР Битола го лишиле од слобода К.И.(25) од Битола, затоа што во угостителски објект на Градското шеталиште во Битола физички ја нападнал С.Г.(20) од Битола и ѝ одзел телефон и чанта. По целосно документирање на случајот против него ќе биде поднесена соодветна пријава“, се вели во полицискиот билтен.