Битолчанец го убил својот поранешен зет, откако тој упаднал во неговата куќа и со остар предмет ја нападнал поранешната сопруга, информираат од Министерството за внатрешни работи.
„Денеска (21.02.2022), во Битола, полициски службеници од СВР Битола го лишиле од слобода Т.Ѓ.(62) од Битола, затоа што околу 05.55 часот во претсобјето од неговата куќа со пиштол пукал и го погодил С.С.(44) од Битола, кој починал на местото. Според пријавеното, претходно С.С. со употреба на сила влегол во куќата на Т.Ѓ. и со остар предмет се заканувал на ќерката на Т.Ѓ., која е негова поранешна сопруга. Екипа на Итна медицинска помош констатирала смрт, а увид на местото извршиле екипа од СВР Битола и Јавен обвинител, по чија наредба телото на починатиот било дадено на обдукција“, велат од МВР.