Биографијата на Заев за министер за финансии како во времето за Тито

Од:

Во предлогот за министер за финансии поднесен до Собранието во биографијата за Зоран Заев е опишан целиот негов живот, од детството, средношколските денови, па се до сегашно време, и сето тоа во суперлативи.

Како на времето во учебниците, така и сега пратениците ќе може да прочитаат за претендентот за министер за финансии што правел како мал, како средношколец и студент, и сето тоа нејасно што има врска со функцијата за која сам се предложи.

-Израснал во огромно земјоделско семејство. Од рана возраст тој и неговиот помлад брат биле вклучени во земјоделскиот семеен бизнис како единствен извор на приход. Тие биле воспитувани да бидат вредни луѓе кои никогаш не ги одложуваат обврските и веруваат дека постои решение за секој проблем, пишува во биографијата.

Потоа продолжува кога ја запознал неговата сопруга, па се враќа на средношколските денови на Зоран Заев.

-Зоран Заев беше средношколец кога Македонија ја стекна својата независност во 1991 година. Покажува афинитети за математика и беше опкружен со членови на семејството кои беа просперитетни бизнисмени, активни и почитувани во социо-политичката и економска сфера на македонското општество, пишува во предлогот за реконструкција на владата.

Продолжува со поврзување на успешни роднини , нешто што веќе го видовме во изминативе години.

-Инспириран од деловниот успех на неговиот вујко, веднаш почнал да работи во семејното трговско друштво „Тргопродукт“ и за пет години напредувал на менаџерската позиција.

Во долгите редови пофалби и суперлативи има од кога е член на СДСМ и кои функции ги извршувал во партијата, што повторно е небитно за позицијата за која сам се предложи.

-Покрај очигледниот успех во развојот на градот, Зоран Заев стана еден од најпопуларните политичари во Македонија поради неговата отвореност и достапност. Тој беше единствениот градоначалник кој на својата работа и даде најголема јавност и транспарентност преку редовните настапи на локалната телевизија каде одговараше на прашања на граѓаните, пишува во биографијата поднесена до сите пратеници.

Опфатен е и предизборниот период, прилепена и Шарената револуција, Преспанскиот договор, а како и кај секој премиер така и овде се запишани „огромните економски успеси“.

За време на Заев државата постигна историски најниска стапка на невработеност во јуни 2019 година од 17,8% како и највисока годишна стапка на директни странски инвестиции во износ од 524,5 милиони евра за 2018 година, пишува во биографијата, што треба да биде подлога за оправданоста да ја преземе и министерската позиција за финансии.

Нема ниту збор во предлогот за суштината на смената, што беше слабоста на досегашниот министер за финансии кој премиерот до вчера го фалеше и дали во партијата нема друг човек кој може да застане на оваа позиција.

Би можело да ве интересира

Претседателот на ЕС Мишел направи увид на работите за изградба на колектори за отпадни води на Вардар

Ана Ололовска

Средба Спасовски-Мишел: Ја очекуваме новата методологија за проширување на ЕУ

Драган Поповски

Спасовски-Јаќимовиќ: Заеднички определби за нови унапредувања на соработката меѓу двете држави и во регионот и за европска иднина

Ана Ололовска

Влада: Работата на функционерите под лупа како никогаш досега

Ана Ололовска

(ВИДЕО) ЕУ амбасадори: Продолжување на реформите, почитување на Преспанскиот договор и политички дијалог

Ана Ололовска

Спасовски-Здружение на судии: Низ дијалог и инклузивен процес до решенија од интерес на судиите и судството

Ана Ололовска