Општина Штип продолжува со процесот на доведување на инфраструктурата во солидна состојба. Во изминатиов период се асфалтираа и уредуваа повеќе улици во градот. Денеска се наоѓаме на улицата „Радански пат“, каде се бетонира крак од оваа улица.
„Кракот којшто денеска го бетонираат екипи на ЈП „Стипион“ е со должина од сто метри, а се бетонира површина од 320 квадратни метри. Бетонирањето на овој крак чини 464.000 денари, а трошоците ги подмирува Општина Штип.
Градиме солидна инфраструктура и обезбедуваме развој и напредок на секој дел од градот. Се грижиме за нашите сограѓани и за тоа нивното секојдневие да биде олеснето и разубавено во нивно пристојно уредно опкружување“, соопштуваат од Општина Штип.