Во паркот во општина Ѓорче Петров денеска од 9 до 13 часот стручни екипи на Институтот за јавно здравје ќе вршат бесплатни лекарски прегледи по повод 29 Септември – Светскиот ден на срцето.
Прегледите опфаќаат и мерење шеќер во крв, холестерол, крвен притисок и телесна маса, а ќе биде поделен и едукативен материјал со превентивни пораки за здраво срце.
На настанот ќе присуствува министерот за здравство Никола Тодоров.
Годинава, Светскиот ден на срцето се одбележува под мотото „Еден свет, еден дом, едно срце“.