Хрватска го поддржува членството на Македонија во ЕУ, важно е тој процес да се забрза и да се најде решение за отворените прашања со соседите.
Тоа е истакнато на денешната средба во Скопје на македонскиот вицепремиер задолжен за европски прашања Фатмир Бесими со амбасадорот на Хрватска во Македонија, Златко Крамариќ.
Бесими и Крамариќ разговараа за македонско-хрватската билатерална соработка и поддршката во процесот на пристапување во Европската унија.
– На средбата, Бесими му честиташе на амбасадорот Крамариќ за идното пристапување на Република Хрватска во Европската Унија, која претставува значаен потенцијал за поддршка на Република Македонија во претстојниот процес на преговори, соопшти владиниот Секретаријат за европски прашања.