Сојузот за иднината продолжува со своите редовни активности со цел враќање на демократијата кај граѓаните.
Денеска на присутните во Битола им се обрати Весна Бендевска.
„Среќна и бериќетна, непокорна слободарска и победничка 2013та посакувам на сите битолчани. Денес сме пак тука и од денес секој ден ќе бидеме тука, за да кажеме доста е и за да кажеме дека 24-ти декември не беше само ден за крај на македонската демократија.
– 24-ти декември беше и почеток на новата македонска борба за слобода и секој ден ќе сме тука заедно Сојузот за иднината, битолчани, сите Македонци, за да кажеме доста е, одете си Македонија заслужува повеќе, Македонија заслужува слобода.
– На сите оние што на 24-ти декември го погазија 8-ми септември 91-ва им порачуваме овде ќе сме, со своите тела, со својот здив и крв ќе ја браниме Македонија колку што треба дури да заминат. Сите заедно кажуваме доста е!
– На 24-ти декември Македонија го доживеа својот крај на демократијата, на 24-ти декември од Собранието не беа избркани пратениците од опозицијата, на 24-ти декември партиската полиција низ партиски пуч ги избрка сите претставници на сите граѓани што не се согласуваат со Никола Груевски и неговата погубна политика.
– И затоа сме овде, ако не нема во Собранието не има низ улиците и ќе бидиме низ улиците и низ парковите, сите заедно чекаме да си оди Никола нашиот Николае, нашиот башар, нека замине Македонија има своја историја, Македонија има свои херои и Мекедонија од секогаш заслужува да се каже доста е кога некој чепка во нејзината слобода.
– Еве не тука сме! Затоа замолувам придружете се ! Денес не е време за лажна неутралност, денес не е време да се седи дома. Ова не е борба меѓу две политички партии. Ова е борба за слобода! За слобода на нашата Македонија!
– Ве чекаме сите заедно и членови на ВМРО и неутралните граѓани, дајте сите заедно да почнеме да ја градиме вистинската историја на Македонија, слобода, демократија, европска Македонија. Да ни живее Македонија“, рече Весна Бендевска.