Пратеничките Весна Бендевска и Билјана Казанџиска кои беа повредени во инцидентот во Собранието се однесени во Ургентен. Како што информираат, кај Бендевска најверојатно се работи за потрес на мозокот и повреди на ногата, а кај Казанџиска во стомакот.
За време на прегледот, Бендевска имала притисок 200 со 110 и повраќала по пат до Ургентниот центар.
И двете пратенички беа повредени од собраниското обезбедување кое се обидуваше да го извлече од собраниската сала, претседателот на Собранието, Трајко Вељаноски.
Од опозицијата реагираат зошто само пратениците од власта добиле картички за влегување во салата. Ова е класичен пуч и обид за да се изгласа веднаш буџетот.
„Сега очекуваме уште специјалците да влезат и да не избркаат насила од Собранието“, вели Јани Макрадули.