Градоначалникот на Гостивар Невзат Бејта и потпретседател на ДУИ, вечерва во седиштето на СДСМ имал куса средба со лидерот на СДСМ Зоран Заев. Неофицијално, со него биле и уште двајцата потпретседатели на партијата, Теута Арифи и Иџет Мемети.
Од СДСМ не коментираат ниту дали бил, ниту за што се разговарало.
Бејта и јавно соопшти дека не поддржува коалиција со Груевски и дека ниту еден Албанец тоа не би требало да го посакува.
Како што велат извори од ДУИ, на седницата во Мала Речица е напнато и неизвесно, Ахмети нема поддршка од мнозинството, но и дека дел од новите пратеници може и да му откажат послушност доколку одлучи да оди во Влада со Груевски.
Утре истекува рокот кога мандатарот Груевски треба да го достави предлог составот за нова Влада и програмата или да го врати мандатот.