Кандидатот на ДУИ за градоначалник на општина Гостивар, Невзат Бејта на митинг во селото Балиндол ја побара довербата на гласачите, потсетувајќи на сработеното од претходниот мандат.
Бејта на жителите од ова село им вети изградба на спортска сала, канализација и асфалтирање на патот кој води до Железничката станица. За да биде подобар животот во селото, како што рече, ќе ја подобри хигиената и ќе се справи со дивите депонии.
Тој го критикуваше актуелниот градоначалник Руфи Османи дека се фали со новата зграда на училиштето, која, како што посочи, била изградена уште кога тој раководел со општината и дека локалниот пат до селото се асфалтирал со пари доделени од Министерството за локална самоуправа.
На митингот зборуваа и носителот на советничката листа на ДУИ, Насир Муслиу и кандидатот за советник Бафтијар Нуредини.
