„Бехтел и Енка“ може да гради: Собранието го усвои пакетот закони за коридорите 8 и 10

Од:

Собранието го усвои пакетот закони поднесени со европско знаменце, а кои се однесуваат на изградбата на коридорите 8 и 10 Д.

Предлог законот за изменување и дополнување на законот за работни односи со 62 гласа беше изгласан од мнозинството, а со исто толку гласови помина и Законот за експропријација со 62 гласа „за“ кој беше донесен исто така за потребите на изведувачот „Бехтел и Енка“.

Во пакет со овие закони се донесе и предлогот на закон за изменување и дополнување на Законот за градење со 63 гласа „за“. Предлогот за изменување на законот за урбанистичко планирање беше донесен со 62 гласа “за“.

Помина и Предлогот за номинирање на стратешки партнер за имплементација на проектот за изградба на коридорите 8 и 10 Д.

Употребата на европското знаменце за овие предлог-измени изминатиот период беше во фокусот на јавната дебата и на партиските препукувања.

Власта реши да го користи овој инструмент за да одбегне блокада, но на употребата на европското знаменце реагираа и од Делегацијата на Европската Унија во земјава со образложение дека предлог-измените не се во насока на усогласување на домашното законодавство со законодавството на ЕУ.

Би можело да ве интересира

Се однесуваат насилнички, нудат само да нѐ исплатат – жители на прилепско село бараат времена мерка против „Бехтел и Енка“

Договорот со „Бехтел и Енка“ не може да се декласифицира, Владата ќе се пазари да добие повеќе километри за цената

Марина Димовска избрана за нова генерална секретарка на Собранието

Предлог законот за дополнување на Законот за енергетика, по скратена постапка, проследен на натамошна постапка во Собранието

Верификувани мандататите на новите пратеници

Собранието ќе ги пополни местата на пратениците кои станаа министри