Синоќа во 21.20 часот на улицата „Лазар Личеновски“ во Скопје, полициска патрола ги уапсила И.Џ.(19), Ј.М.(18) и 10 малолетници, сите од Скопје.
Според полицијата, тие околу 21.05 часот на кеј на река Вардар, под мостот „Гоце Делчев“, физички нападнале малолетник од Скопје, при што употребиле тврди и остри предмети.
Уапсените биле задржани во полициска станица и по целосно документирање на случајот, против нив ќе биде поднесена соодветна пријава.