Во првиот круг од изборната кампања за локалните избори, најмногу реклами во медиумите се емитувани за Коалицијата предводена од ВМРО ДПМНЕ (околу 157 часа), а потоа за Коалицијата предводена од СДСМ (околу 65 часа), покажува мониторингот за платеното политичко рекламирање што го спроведе Агенција за аудио и аудиовизуелни медиумски услуги.
По ВМРО-ДПМНЕ и СДСМ, најмногу во медиумите се рекламирале ДУИ (околу 13 часа) и Беса (околу 9 часа).
Од телевизиите на државно ниво, најмногу реклами се емитувани на ТВ Нова и на ТВ Сител, а од телевизиите на регионално ниво на ТВ О2 и на ХДТВ Мега.