„Агенцијата за аудио и аудиовизуелни медиумски услуги го осудува нападот врз новинарската екипа на информативната програма на Првиот телевизиски програмски сервис на Македонската радио телевизија од страна на припадници и симпатизери на политичка партија.
Посочуваме дека насилството врз новинарите е неприфатливо и претставува директен напад врз слободата на медиумите и правото на јавноста да се информира за актуелните општествено-политички настани.
Апелираме да се овозможат нормални и непречени услови за професионално работење на медиумите и медиумските работници“, се вели во соопштението на АВМУ.