Првиот вицепремиер Артан Груби на поставувањето на камен-темелникот за почеток на изградбата на Коридор 8 се појави во маичка со испечатен автопат и бројот „8“.
Груби беше тематски облечен на свечениот настан во близина на првата патарина на патот Тетово – Гостивар со кој се означи почетокот на изградбата, а стоеше на сцена која беше направена во форма на автопат и зборуваше од говорница на која е постабен бројот „8“.
Изградбата на коридорите 8 и 10д, инфраструктурен проект што државата ќе ја чини 1,3 милијарда евра, ќе ја изведува американско-турскиот конзорциум „Бехтел и Енка“.
Проектот кој опфаќа изградба на вкупно 110 километри автопат го следат контроверзии околу изборот на надзорот за кој Обвинителството поведе постапка.
